遊客家庄1

遊客家庄3

遊客家庄2

遊詔安客家庄

今日晨早,和公事客語無障礙環境志工培訓學員,歸陣个人作垺遊...二崙鄉復興村土地公廟,八角亭个復興宮,新店个祝天宮,惠來厝林姓祖廟,西螺崇遠堂張廖氏族家祠.....等客家聚落,還有湳仔村个堤防步道,映大排水圳源頭....各個地方个建築,攏有自家特別个所在,和無共款个風貌,對這個跡位,映出詔
安客人个文化和智慧,真多值得俺人去研究探討个˙

當志工感想

今日去崙背鄉公所,當行政院客委會詔安客事無障礙環境个志工,今日係第一遍,所以逐漸生疏無經驗,毋知對哪位做起 好得遐個所在有真多悉熟个人來,有个會講客事,亻厓即和佢講客事有个 毋會講
亻厓嘛係和佢問好,眏望有愛鬥相共个所在無.........希望佇這個所在,有擱較多个人,講客事學客事!

炙地豆

地豆係俺人崙背鄉个主要農產品之一,佇逐年舊曆四`五月和十月个時務,係地豆到老會用收成
个時務

這時即有真多拔地豆个機器,遐一畦擱一畦个地豆拔起來,拔起來个地豆,有个直接佇人送去工廠賣,這係講做挑濕个,大部分 个人攏會擱自家个地豆,車轉屋下个坪炙,屋下無坪个人,嘛會藉車路用來炙地豆!.
炙地豆係一件真艱難个事,日頭哪真猛个時務,作穡人即會攔緊遐地豆耙
佇佢平,炙一睏時即會用腳撂,撂得變作一行行,嘛有人用大版樹料做个鈯仔,鈯一遍即有通鈯幾行,毋過正拔起來个地豆濕濕,夾真多泥,跿起來真重,所以佢人即愛先清泥,泥清出來,等地豆較燥鬆,即耙做大行,佢人耙得歸身汗,正遐地豆耙好,變作一行行,歇睏一時仔即拁地豆扳開,哪睹著天暗落西北雨个時,即愛攔緊遐地豆耙倚,用大領雨帆掩,過一下子,日頭又擱出來啊,佢人即擱攔緊遐雨帆收起來,佇地豆 炙日頭,即恁真艱難收成,毋過佢人嘛毋會想懶 ,擱趁閒个時間,遐地豆大莢粗腰个檡起來, 等 後遍　　　 討種个時,好作種,即恁佢个地豆一年比一年擱較靚,收量擱較多,真多人知了後,攏來買佢个地豆轉作種!
所以逐回炙地豆,擱樣子艱難,佢心肝底嘛真歡喜啦 !

美麗的花朵

這係粉紅色个蓮花,真靚擱會香,係亻厓自家種个

矣!另外卡紅个遐蕊,係洋蘭共款係自家照顧

起來矣哦!種花目巠花開靚靚,得人感覺心情真快樂歡喜,一

兜煩惱做一 下攏添放去矣!毋信你自家種目巠望即 知!

foxy://do