炙地豆

地豆係俺人崙背鄉个主要農產品之一,佇逐年舊曆四`五月和十月个時務,係地豆到老會用收成
个時務

這時即有真多拔地豆个機器,遐一畦擱一畦个地豆拔起來,拔起來个地豆,有个直接佇人送去工廠賣,這係講做挑濕个,大部分 个人攏會擱自家个地豆,車轉屋下个坪炙,屋下無坪个人,嘛會藉車路用來炙地豆!.
炙地豆係一件真艱難个事,日頭哪真猛个時務,作穡人即會攔緊遐地豆耙
佇佢平,炙一睏時即會用腳撂,撂得變作一行行,嘛有人用大版樹料做个鈯仔,鈯一遍即有通鈯幾行,毋過正拔起來个地豆濕濕,夾真多泥,跿起來真重,所以佢人即愛先清泥,泥清出來,等地豆較燥鬆,即耙做大行,佢人耙得歸身汗,正遐地豆耙好,變作一行行,歇睏一時仔即拁地豆扳開,哪睹著天暗落西北雨个時,即愛攔緊遐地豆耙倚,用大領雨帆掩,過一下子,日頭又擱出來啊,佢人即擱攔緊遐雨帆收起來,佇地豆 炙日頭,即恁真艱難收成,毋過佢人嘛毋會想懶 ,擱趁閒个時間,遐地豆大莢粗腰个檡起來, 等 後遍　　　 討種个時,好作種,即恁佢个地豆一年比一年擱較靚,收量擱較多,真多人知了後,攏來買佢个地豆轉作種!
所以逐回炙地豆,擱樣子艱難,佢心肝底嘛真歡喜啦 !

美麗的花朵

這係粉紅色个蓮花,真靚擱會香,係亻厓自家種个

矣!另外卡紅个遐蕊,係洋蘭共款係自家照顧

起來矣哦!種花目巠花開靚靚,得人感覺心情真快樂歡喜,一

兜煩惱做一 下攏添放去矣!毋信你自家種目巠望即 知!

foxy://do

超連結

蜜雪兒的網站

丈夫戒燻記

米娜个丈夫生做真高大,真福相!毋過佢有食燻个習慣,已經三十外年啊!𠊎亻厓真怕佢傷著身體!好嘴唊講無效,佢會搬出一兜真歹聽个事,佇亻厓毋敢擱講落去,
所以亻厓毋敢喊佢改燻,毋過亻厓嘛係j無愛做二手燻,佇佢點燻起來食个時務亻厓即會行出外頭沃花,那係佇寒天个時務,逐回佢食燻,亻厓即會攔緊遐頭前後背个窗子門,做一下打開,這時冷風吹入來,逐個人攏寒得嘟嘟顫,佢嘛目珠展大粒對亻厓眏ㄧ下,亻厓真怕佢和𠊎亻厓反面!這時佢講..你毋使 擘心, 有一日亻厓會改啦!真經欸`佢去崙背衛生所領改燻个樹奶糖,領幾遍樹奶糖和燻相替換食,燻有食較少啊!,兩包改伸一包,毋過改無 起來,嘛係還有食!逐回細子目巠著,手即擎起來晃,順續講..足臭也臭死啊!即恁逐日攏為著燻拁屋下底添真多麻煩!
佇舊年政府發表講..討大大下取締公共所在食燻,真多所在攏愛罰錢,這遍佢正經驚著啊!決心討改燻,亻厓知佢無食燻會艱難 ,所以即買一款用藥草做个藥丸,佇佢含得嘴內底,含落喉嚨涼涼,佢做事个時務,隨一罐佇屋身唇, 想討食燻个時務,即提起來含,暗夜時𠊎亻厓會準備真多佢愛食个物件佇佢食,按佢正無時間好想食燻,即按時間一日一日過去啊!到今討歸年啊!佢毋識擱食一支燻,朋友那請佢食,佢攏會拁人展,講自家戒燻啊!亻厓屋下空氣變好啊!佢嘛毋使受燻害健康个威脅,歸屋下底个人,攏真歡喜!希望擱較多人改燻,佇俺人个空氣清利,逐個人攏健康快活!

新