落大雨

烏雲遮天，霹霹啪啪滿足大个雨落下來啊，這時抑係我下半日事个開始,即係送細子轉佢个屋下



雨越落越大，我著雨衫，坐上娃娃車，手擎大支雨傘，一 手擎雨傘，另外一手即牽一個擱一個个細子跁上車，細子坐滿啊，車駛行啊!
雨猶毋歇,歸陣細子个吵亂聲和落雨聲,車行啊行到位細子个屋下雨還毋歇我款 款打開車門,攔緊打開雨傘遮細子入去細子个屋下,佢屋下蹛佇真內底~
車擱毋得入去,我行真遠正牽佢兩兄弟到位門口,雨落滿足大也,門打毋會開,喊又無人開門!
所以擱牽倒轉車頂扣電話抑係無人接~
即按換送別個細子轉去,　一戶牽過一戶,有个家長真好,佢會擎雨傘出來接自家个細子,順續講ㄧ句勞力,有个人嘛會無幾歡喜,問講?樣子恁慢,這時我抑係愛講一句"歹势"因為事卡歹做!即按真無簡單正遐細子做一下總送清!轉到位屋下~
雨衫脫起來,內底个衫褲攏做一下濕去啊,這時嘛分毋會出係汗水抑係雨水,雖然真舔,無過想著細子係俺人崙背鄉後來个主人頭,我即想!無論樣子艱難我攏討遐佢人渡大漢,佇佢人變做一個有路用个人啦!